2024 жылдың 6 желтоқсанында Ақпараттандыру және білім сапасын бағалаудың әдістемелік орталығы» «М. Дулатов атындағы Қостанай инженерлік-экономикалық университеті» ЖМ-мен бірлесіп «Мектептегі ғылыми-зерттеу қызметі білім алушылардың шығармашылық қабілеттерін дамыту факторы ретінде» атты облыстық семинар өткізді.
Семинар жұмысына облыстың жаратылыстану-математикалық бағытында 100-ден астам мұғалім қатысты. Семинардың негізгі мақсаты: білім алушылардың зерттеу қызметін табысты жүзеге асыру үшін жағдай жасау.
Семинар жұмысы 2 кезеңнен тұрды: теориялық және практикалық. Теориялық бөлімде А.О. Исмаилов, ҚИнЭУ ректоры, техника ғылымдарының кандидаты және Н.В. Баимбетова, ғылыми зерттеулер секторының басшысы және З. Д. Сергазина, «Қостанай қаласының білім бөлімінің №18 мектеп-гимназиясы» КММ қазақ тілі мұғалімі, педагогика ғылымының магистрі, Ы. Алтынсарин төсбелгісінің иегері спикерлер болды.
Спикерлер мақсаттарды, міндеттерді, кезеңдерді, зерттеу әдістерін және т. б. құрастыруға баса назар аударды. З. Д. Сергазина мектепте оқушылармен зерттеу қызметін ұйымдастырудағы мұғалімнің рөлін анықтауға көмектесетін тренинг өткізді, бұл жеке тұлғаның дамуы мен даралануына, оқушылардың білім алуға деген ынтасын қалыптастыруға ықпал етеді.
Әрі қарай жұмыс 3 секцияда жалғасты (1-ші информатика мұғалімдері, 2-ші математика және физика мұғалімдері, 3-ші химия және биология мұғалімдері). Секцияларда спикер ретінде «Зерде» білім алушылардың зерттеу жұмыстарының республикалық байқауының облыстық кезеңінің жүлдегерлерін дайындаған педагогтар: А.Э. Абишев «Қостанай ауданының білім бөлімінің Н. Наушабаев атындағы мектеп-гимназиясы» КММ информатика мұғалімі, А.Г.Сәтбаева «Ы. Алтынсарин ауданының білім бөлімінің Ы. Алтынсарин атындағы Обаған жалпы білім беретін мектебі» КММ математика мұғалімі, Л.А. Скрипко «Сарыкөл ауданының білім бөлімінің Урицкая мектеп-лицейі” КММ математика пәнінің мұғалімі, Ж.У.Калиева «Меңдіқара ауданының білім бөлімінің Жангелді жалпы білім беретін мектебі» КММ қазақ тілі мұғалімі және А. М. Колесникова, «Қарабалық ауданының білім бөлімінің Абай Құнанбаев атындағы жалпы білім беретін мектебі»КММ химия мұғалімі сөз сөйледі.
Олар өздерінің шеберлік сыныптарында балаларды зерттеу жұмыстарына тарту нәтижеге емес, процеске бағытталуы керек деген негізгі идеяны атап өтті. Ең бастысы-баланы қызықтыру, оны шығармашылық іс-әрекетке ынталандыру.
